Concurso Aula Máis Sostible

A sostinibilidade na aula é a forma de considerar a aula como un espazo para:

• Fomentar a convivencia.
• Aforrar enerxía.
• Dispoñer os residuos para que poidan ser reciclados.
• Respectar o mobiliario.
• Fomentar a orde e a limpeza.
• Fomentar as iniciativas e a creatividade dos alumnos.
  

O concurso "Aula máis sostible" está pensado para que os alumnos acaden uns hábitos máis sostibles no seu quefacer diario; para esto establecéronse unha serie de tarefas e normas que cada grupo, en conxunto, debe cumplir durante o tempo que dure o concurso (do 1 de decembro ó 16 de maio).
Periódicamente realizarase un seguimento dos grupos no que, en función dos obxectivos cumplidos, acumularán unha certa cantidade de puntos. O grupo que acade un maior número de puntos ó finalizar o concurso será premiado cunha excursión a un lugar de interese ambiental.

Alumnos ós que vai dirixido: 1º e 2º ciclo da ESO.

Bases do concurso:

1. Os alumnos terán que elaborar e colocar na aula un mural cun lema que promova o desenvolvemento sostible.
2. A valoración do xurado será feita tendo en conta:

• Luces apagadas.
• Colectores en bo estado.
• Cada residuo no seu colector.
• As ventás pechadas os días que se encende a calefacción.
• Limpeza das mesas e cadeiras.
• O ruido ambiental da aula.
• Colector para recoller o papel usado por unha carilla e que poida ser reutilizado.
• O respecto entre as persoas.
• Calquera outra iniciativa dos alumnos en busca da sostibilidade.
• A calidade, creatividade e contidos do mural.

Periódicamente, e sen previo aviso se revisará o estado das aulas e publicaranse os resultados.