Este ano elixiuse a auga na nosa cidade (dende que se capta ata que se devolve ó medio natural) como o tema en torno ao cal xiraría o proxecto interdisciplinar do centro. A elección deste tema xurde da necesidade de concienciar ao alumnado da importancia que ten este recurso vital e das consecuencias do uso e abuso do mesmo.Algúns dos traballos que realizaron os alumnos para o proxecto interdisciplinar (carteis, xogos de mesa, etc) foron expostos no centro con motivo do día internacional da auga (ver pase de diapositivas no menú da dereita).
Os obxectivos que se pretenden acadar con este proxecto son:
Recoñecer e valorar a importancia da auga como recurso imprescindible, tanto a nivel vital como no sistema urbano actual.
Orientar as actitudes de uso da auga cara a outras que fomenten o aforro, o seu uso máis racional e ecolóxico.
Investigar, seguir e recoñecer a ruta que segue a auga que utilizas na cidade, dende a súa captación ata a súa devolución ao ciclo natural.
No hay comentarios:
Publicar un comentario